Naskah
Drama Cinderella
Jaman baheula,
kacaritakeun aya hiji awewe geulis,bageur, rajin solat, jeung teu sombong
ngaranna Cinderella. Manehna hirup jeung indung tere jeung sodara tere na. Ku
indung tere jeung sodara terena, Cinderela dianggap siga pembantu. Dina hiji poe,
Cinderela keur sasapu di hareupeun imah, tuluy disampeurkeun ku sodara terena
nu ngarana Violet.
Violet :
Cindoot, tuh maneh digeroan !
Cinderela : ku
saha?
Violet : ku nu
maha kawasa ! Nya ku ema atuh !
Ema : (ngalungkeun
baju ka cinderela) yeuh ! Seuseuh baju ieu kabeh ! Ulah nepi ka
ruksak,soeh, jeuungg ulah jual bajunii (make
logat upin-ipin)
Cinderela : oh
muhun ma ( bari mawa baju ka kamar mandi, terus nyeuseuh bari nyanyi)
Cinderela : nyeuseuh ! Nyeuseuh
! Nyeuseuh oooo.... Nyeuseuhh ! Nyeuseuh ! Nyeuseuuhooo ! (Lagu justin bieber nu judulna baby
ngan diganti jadi nyeuseuh)
Ngadenge sora cinderela nyanyi, indung tere
jeung sodara terena datang
Ema : cinde !
Gandeng! siga
sorana alus silaing teh (bari nempobaju nu keur diseuseuh)
Aduh cindooot !
Ning baju ema jadi kieu? Ieu teh mahal !
Cinderela: emang
sabaraha kitu mah?
Ema : dua belas
lima ! Jauuuuhhh deui meulina !
Cinderela :
dimana ma?
Ema : di pt loak
! Tina kulit asli deui ieu teh
Cinderela :
kulit naon ma
Ema : kulit cau,
kulit embe, kulit salak, kulit bancet, kulit tutut jeung sajabana ! Geus pokona ema hayang baju ieu hade deui !
Mun ncan hade maneh teu menang kaluar ti gudang !
Cinderela :
muhun ma .
Cinderela akhirna
cicing di gudang bari ceurik. Terus ijig ijig teuing tibolongan mana aya peri kasep
datang. cliiingg
Cinderela : saha
anjeun teh? Anak indung tere abdi nu dikurung didieu oge nya? Ngaku siah !
Peri : (sewot)
enak wae abi teh peri apal teu?
Cinderela : peri
naon? Perikanan? Perikemanusiaan?
Peri : abdi teh peri nu tiasa
ngabulkeun permintaan. Nah, neng tiasa ukeun dua permintaan, manggaaaa( bari nunjuk make jempol ka
cinderela)
Cinderela : jadi
kieu peri abi dikurung didieu teh pedah abi ngaruksak acuk ema abi. Abi hoyong acuk ieu leres deui siga tadina
peri.
Peri : oh
gampang ! (Mulai maca mantra ) jos gandos kotos
meledos dodolu dodoli pret aaaa clinggg (sakedip mata bajuna alus deui)
Cinderela : wah
nuhun peri, ayeuna abdi bade masih keun acuk ieu ka ema abdi
Peri : manggaaaa....
(Bari
ngajuh terus ngalengit)
Dihareup imah cinderela
aya pengawal nu nyebarkeun undangan pesta istana pangeran nu keur neangan pamajikan.
Pengawal : ibu
mangga sakulawargi sumping ka acara di istana kanggo pesta dansa. Pangeran nuju
milarian pasangan.
Ema: oh muhun bapak nuhun
Pengawal :ibu
punteun, abdi bade neraskeun nebar bewara ka pelosok rt kerajaan. Mangga ibu
Ema : oh muhun
mangga pak !
Tuluy Cinderella datang...
Cinderela : ema
iyeu acuk ema nu tadi
(Ema jeung Violet sibuk ngomongkeun baju jeung ka pesta dansa)
Ema : Uhun simpen
w di kamar !
Cinderela : ema,
wios teu abi ngiring ka pesta?
Ema jeung violet
seuseurian
Violet : emang
maneh boga baju alus kitu? Hahaha apa rek make baju butut? Hahaha apa kata
bunia?
Cinderela :Dunia
Let, Dunia ...
Ema : hayu atuh
cuang dandannya mih geulis teu camehong jiga cinderela..
Violet : hayu mah..
Tuluy indung
tere jeung sodara tere cinderela ka pesta dansa di istana. Ai cinderela mah ceurik hangseuk-hangseukan.
Ijig ijig peri kasep teh datang deui hareupeun cinderela
Peri : Har
geuning maneh ceurik? Keur bagja nya?
Cinderela :
sedih peri...
Sedih...
Peri : kunaon?
Cinderela : abi
teu kenging ka pesta ku ema, pedah baju abi siga goreng peda buntung.
Peri : naha teu
menta bantuan
peri?
Cinderela :
tiasa kitu peri?
Peri : tiasa
atuh ,kampil !
Cinderela :
gampil peri ! Gampiill ! Sok atuh peri enggal kumaha?
Peri : abdi rek ngajadikeun baju goreng
peda buntung cinde jadi acuk sae... Jos gandos kotos meledos dodolu dodoli
pret aaaaa cling..
Sakiceup soca baju butut cinderela
jadi baju alus
Cinderela : wah
sae pisan peri, tapi ning abi masih nganggo sendal jepitnya?
Peri : ih naha
nya? Kela cobian deui jos gandos kotos meledos dodolu dodoli pret aaaa ...
Tapi anger wae
teu hade
Cinderela : ning
kieu wae peri?
Peri : aduh
cindeee, hampura nya, jadikan tadi wengi teh di kontrakan listrikna pareum,
jadi hilap teu dicas. Punteunnya cin...
Cinderela : oh
muhun atuh kieu we
Peri : tapi
inget, enging nepi ka ngalewatan jam 12 pas.
Cinderela : kunaon
kitu peri?
Peri : kuota abi
seep engke wengi jam 12, jadi engke acuk putri balik deui jadi goreng patut.
Cinderela : ok
siap peri ! Nya ntos atuh, abi angkat, dah peri
Peri : dah ! Aya
ongkos ojek teu?
Cinderela : aya
peri ! Kanggo peri meser kuota we !
Peri : monyong !
Kalah moyokkan. !
Cinderela dugi
ka istana. Sadaya tamu kapukau ningal cinderela. Pangeran langsung nyaketan
Pangeran : hai
putri, hoyong dansa sareng simkuring?
Cinderela :
mangga pangeran.
Pangeran sareng cinderela joget ala
blekping terus cinderela eureun ngadangu aya suara sponsbob skuerpen.
Cinderela :
suara naon eta pangeran?
Pangeran : eta
teh suara alarm jam 12 istana putri
Cinderela : ohh,
ning kitunya? Hah jam 12?
Tuluy cinderela
lumpat
Pangeran : putri
sakedap ! Wasta putri naon ?
Cinderela : nami
abi Cinnnn .../gubrakk
Sendal jepitna
copot hiji. Tapi terus lumpat
Pangeran : putri
Cin ! Cindot ! Cindolooo ! Cinta laura ! Aduh sha sih ! Ciiinn ! (Mawa sendal
cinderela nu coplok terus di ambeu) hmmmm
bauu...
Isukna, pangeran
keliling make kuda
online neangan nu sampeanna
pas sareng sendal jepit sabelah Cinderella nu lagrag pas pesta dansa. Tuluy nepi
diimah cinderela
Pangeran :
punteun
Mama : mangga !
Eh pangeran mangga leubeut !
Pangeran : abi
gaduh hiji sendal jepit. Saha wae nu sampeana pas sareng gaduh nu sabelahna
deui, tiasa jadi istri abdi.
Ema : oh abi
bade nyobian pangeran (dicobian, tapi te pas ) Violet dieu !
Violet : naon
mah?
Ema : cobian
sendal iyeu
Violet : teu
cekap mah
Pangeran : aduh bu,
aya anggota kulawargi nu sanes deui?
Ema : teu aya
pangeran
Tapi cinderela datang
Cinderela : wios
abi nyobian pangeran?
Pangeran :
mangga
Tuluy pas sendalna dipake Cinderella
Pangeran : wah
cekap, gaduh
pasanganna putri?
Cinderela : aya
pangeran
Pangeran : wah
muhun, sami ledokna. Putri, tiasa teu putri jadi istri abi?
Cindeu : teu
pangeran... Teu nolak maksudna (ngakak)
Tuluy cinderela
jeung pangeran nikah jeung hirup bagja salamina.
Tidak ada komentar:
Posting Komentar